Hlăm klei kƀĭn, phung bi ala mâo leh dŭm klei blu mguôp djŏ tuôm hŏng bruă mbah gưl hlăm klei bi lông ngă bruă, ksiêm dlăng čiăng bi klă ênoh ngă bruă, klei čuăn bi klă ênoh amâodah bi klă klei hưn kơ hnơ̆ng tŭ jăk êa drao, kdrăp yua bruă mdrao mgŭn, hóa chất, mnơ̆ng yua mkă dlăng, bi êdah klei hưn leh anăn mă prăk mđung klei hưn iêo jak phung ngă bruă.

Blŭ hlăm klei kƀĭn, k’iăng Khua knŭk kna Trần Hồng Hà mñă klă: Phŭn bruă mdrao mgŭn bi mguôp hŏng Phŭn bruă hdră êlan leh anăn duh bi liê čiăng mkŏ mjing dŭm hnơ̆ng čuăn phŭn, djŏ hŏng hdră bhiăn mơ̆ng dŭm klei hưn bi klă ênoh klei ngă bruă. Hlăm anăn, yuôm bhăn hĭn jing Êpul gơ̆ng mơ̆ng sang êa drao srăng bi klă hnơ̆ng cuăn, hdră êlan, hnơ̆ng tŭ jăk, boh tŭ dưn bruă duh mkra mơ̆ng êa drao, kdrăp yua, mnơ̆ng yua bruă mdrao mgŭn, jing tur knơ̆ng ruah ênoh mơ̆ng klei ngă bruă.