Ti drông anăn, k’iăng khua knŭk kna Trần Hồng Hà mñă: Hŏng klei găl kơ phŭn bruă pui kmlă bi êran hŏng êa, hŏng ai angĭn, lehanăn pil yang hrue, Lao jing leh lăn čar hơĭt kơ bruă bi êran pui kmlă, mâo hdră êlan bi mlih jăk mđĭ kyar mtah tal êlâo hlăm alŭ wăl lehanăn tar rŏng lăn. Jing jăk găl kơ bruă iêo jak phung duh bi liê.

Bi mni kơ klei bi tŭ ư, kuôl kă kreh knhâo plah wah anôk bruă ksiêm duah klei kreh knhâo Việt Nam hŏng phŭn bruă kdrăp mrâo mrang lehanăn hâo hưn Lao, k’iăng khua knŭk kna čang hmăng dua nah jih ai tiê hgŭm bi mlih kdrăp mrâo mrang, mđĭ kyar doh mtah. Nao hlăm klei mjuăt bi hriăm mnuih ngă bruă, k’iăng khua knŭk kna čang hmăng kơ Lao mâo hdră êlan klă mngač hĭn bi hgŭm hŏng anôk bruă ksiêm duah klei kreh knhâo Việt Nam mkŏ mjing hdră êlan mă bruă kjăp kñăm mâo klei bi hgŭm mbĭt hŏng Việt Nam hlăm klei mlih mrâo.