K’iăng khua knŭk kna Trần Hồng Hà lač, knŭk kna lehanăn mnuih ƀuôn sang Việt Nam bi myuôm bruă klam mơ̆ng WHO hlăm jih jang bruă kiă kriê klei kơ mdrao mgŭn, mkŏ klei bi mguôp bruă mdrao mgŭn tar rŏng lăn, dlăng kriê klei suaih pral kơ jih jang mnuih. Hlăm djăp mta bruă, hdră êlan kơ bruă mdrao mgŭn, dlăng kriê klei suaih pral ti Việt Nam mâo nanao klei sa ai mơ̆ng êpul hgŭm mnuih ngă bruă mơ̆ng WHO.

Boh nik, hlăm wưng mâo klei ruă tưp COVID-19, Việt Nam mâo tŭ mă leh klei đru pral, mâo klei tŭ dưn mơ̆ng WHO čiăng dưi găn klei ruă tưp anăn. Jing 1 hlăm 15 ala čar mâo WHO ruah brei ba yua mdrăp mkra mjing vaccine mNRA, Việt Nam čang hmăng mâo klei đru klă klơ̆ng mđĭ klei thâo hlăm bruă ksiêm duah, mkra mjing vaccine, amâo mâo djŏ knŏng gang mkhư̆ mta klei ruă mrâo, ƀiădah wăt hŏng dŭm mta klei ruă thâo bi mtưp hlăk bluh đĭ ară anei, msĕ si srue, hnak...