Hlăm mmông drông, K’iăng Khua knŭk kna Trần Hồng Hà bi trông leh hŏng Nai prĭn David Rogers kơ klei lông dlăng hlăm hdră mlih mrô êlam mơ̆ng bruă duh mkra- ala ƀuôn kluôm rŏng lăn, mơ̆ng gru hmô hđăp, amâo kjăp jưh hlăm ngăn dô̆ čŏng mâo, mnuih mă bruă hnơ̆ng ka jăk kơ bruă duh mkra mtah, carbon ƀiă, êa pui êwa čuh.

Hjăn bruă mlih mrô, K’iăng Khua knŭk kna bi mklă Knŭk kna Việt Nam srăng ba anăp leh anăn jing pô blei lu hĭn kơ dŭm anôk bruă duh mkra mrô. Klei mlih mrô knŏng tŭ jing tơdah mnuih ƀuôn sang yua leh anăn dưi dưn klei tŭ mơ̆ng ala ƀuôn mrô, bruă duh mkra mrô. Êngao anăn, čiăng snăk klei mđing kơ bruă mkŏ mjing hnơ̆ng, ênoh yuôm dhar kreh, knuih hdĭp, klei êđăp ênang hlăm internet, klei bi êdah kơ klei hdĭp sĭt ƀiădah bŏ hŏng klei dleh ktuê dlăng.