Tui si klei Phŭn bruă čuăl mkă lehanăn duh bi liê, klei čuăl mkă čoh čuăn mta kñăm truh thŭn 2030, krĭng dap mnai krông Hồng mâo klei đĭ kyar pral, kjăp, mkŏ wĭt bruă duh mkra hŏng klei djŏ, jiă knhuah gru dhar kreh djăp djuê ana, mding mđĭ kyar bruă tuh tia, klei ngă bruă ênuk mrâo, lehanăn bruă lŏ hma hŏng hdră mrâo mrang, duh mkra doh mtah, ba wĭt klei tŭ dưn prŏng, jing anôk phŭn kơ bruă mjuăt bi hriăm mnuih ngă bruă hlăm kluôm ala, ba akŏ kơ klei mđĭ kyar bruă kreh knhâo, mlih mrâo hŏng klei mbruă, bi mlih mrô, yang ƀuôn mrô, mâo rŭ mdơ̆ng jih jang bruă nah gŭ hŏng klei mđrăm sa hnơ̆ng, hŏng ênuk mrâo, mâo ƀuôn prŏng thâo mĭn, mâo klei mkŏ krĭng prŏng.

Klah čŭn ti anôk bi kƀĭn, K’iăng khua knŭk kna Trần Hồng Hà mtă: klei čuăl mkă anei năng bi mngač hĭn, bi djŏ hŏng klei mđĭ kyar krĭng, klei găl kơ dŭm anôk phŭn, mơ̆ng anăn dưi mkŏ mjing krĭng čuăl mkă djŏ tui si knhuah jing mdê bi krĭng, mđĭ kyar krĭng bi djŏ hŏng k’hưm klei duh mkra, bruă kđi car hlăm kluôm ala./.