Hlăm mmông ksiêm dlăng, khua gĭt gai čar Lâm Đồng leh anăn bi ala êpul grup Đèo Cả (anôk bruă duh bi liê hdră) bi êdah dŭm klei dleh dlan, kpăk gun hlăm klei bruă ngă hră mơar duh bi liê kơ êlan dơ̆ng pral. Hlue anăn, juh dua hdră dôk tuôm hŏng klei dleh dlan kơ ngăn prăk, ênhă mlih mta kñăm yua lăn dliê, gang mkhư̆ klei ksĭng mmiă leh anăn čuăl mkă mnơ̆ng gŭ lăn.

Hluê si hdră mă bruă mơ̆ng êpul, k’iăng Khua knŭk kna Trần Hồng Hà mbĭt hŏng phung bi ala dŭm phŭn, dhar bruă djŏ tuôm mă bruă hŏng khua bruă Đảng čar, bruă sang čư êa čar Lâm Đồng čiăng mgaih msir dŭm klei dleh dlan, kpăk gun mơ̆ng dŭm bĭt êlan dơ̆ng pral kdrêč Tân Phú - Bảo Lộc, Bảo Lộc - Liên Khương leh anăn êlan dơ̆ng pral Nha Trang - Đà Lạt.