Hlăm jar gưl nao hlăm Klei bi kƀĭn gưl dlông kơ Klei kuôl kă ngăn prăk dlông rŏng lăn mrâo leh anăn mă bruă ti Prăng, hruê 21/6, K’iăng Khua knŭk kna Trần Hồng Hà nao čhưn ti anôk bruă mđĭ kyar Prăng (AFD) leh anăn mâo mmông mă bruă hŏng Marie Helene Loison, K’iăng Khua AFD, leh anăn phung khua êmua gưl dlông ti AFD.

Hlăm mmông mă bruă, K’iăng Khua knŭk kna bi êdah klei mơak ti anăp klei đĭ kyar jăk hlăm klei bi hgŭm Việt Nam- Prăng, boh nik hlăm klei bi hgŭm bruă duh mkra, sa klei yuôm bhăn hlăm klei bi hgŭm hdră bruă dua ala čar. Dau tĭng bi tŭ ư bi hgŭm hĭn plah wah AFD leh anăn Việt Nam hlăm bruă ba yua êa pui êwa čuh, boh nik hlăm boh klei Việt Nam mâo dŭm klei ƀuăn rơ̆ng ktang hlăm Klei bi kƀĭn COP26 leh anăn pŏk ngă Klei bi hgŭm bruă duh mkra kơ klei đĭ kyar kjăp ti Việt Nam./.