Hŏng akŏ “Bi mguôp mlih mrô čiăng mđĭ kyar bruă duh mkra mrô”, Klei kƀĭn mâo 4 gưl bi trông thơ̆ng kơ klei čih kơ bruă čuh mkra klei bhiăn, mkŏ mjing leh anăn ba yua klei čih pioh, bruă mkŏ mkra klei čih pioh leh anăn răng mgang klei hgăm kơ klei čih pioh, mkŏ, kha mbha klei čih hlăm klei mđĭ kyar knŭk kna mrô, bruă sang čư êa mrô leh anăn dŭm klei hriăm tar rŏng lăn hŏng klei găl mlih mrô ti Việt Nam leh anăn alŭ wăl.

Blŭ hlăm klei kƀĭn, k’iăng Khua knŭk kna Trần Hồng Hà mñă ktang, bruă duh mkra mrô jing hdră êlan mđĭ kyar mơ̆ng Việt Nam. Anei jing klei găl prŏng  brei ala čar drei mmlih mrâo mơ̆ng klei bi hmô mđĭ kyar, mđĭn truh mđĭ kyar hmar leh anăn kjăp. K’iăng Khua knŭk kna mñă klă, mlih mrô čiăng mâo klei rơ̆ng kơ klei êđăp ênang, hnơ̆ng čuăn mrâo mrang, hnơ̆ng čuăn kdrăp dưn yua, răng mgang klei čih pioh grăp čô, grăp êpul êya, anei jing klei êđăp ênang ala čar.