Hluê hdră čuăl mkă truh thŭn 2050, Gia Lai jing Wăl anôk lăn adiê jăk siam, Mjuăt ktang asei mnlei lehanăn suaih pral, jing krĭng lăn mtah, jiă knhuah dhar kreh, hluê hdră hmô mơ̆ng sa anôk bruă duh mkra đĭ kyar h’ĭt kjăp. Hluê hdră čuăl mkă, mta kñăm truh kơ thŭn 2030, Gia Lai đĭ kyar pral, tŭ dưn lehanăn h’ĭt kjăp. Mđĭ hnơ̆ng đĭ kyar, mđing truh kơ hdră mđĭ kyar mtah, jing anôk phŭn krĭng Dưr lăn dap kngư lehanăn jing boh kdrŭt krĭng 3 kiêng đĭ kyar Việt Nam - Lào - Campuchia.

Blŭ ti knăm anei, K’iăng khua knŭk kna Trần Hồng Hà bi mni Gia Lai mâo boh tŭ yuôm bhăn hlăk yan adiê jăk găl, mâo knhuah dhar kreh lu jơr. Čuăl mkă čar Gia Lai jing sa hlăm dŭm knhuang nao djŏ klă kñăm bi sĭt mta kñăm prŏng mâo Phŭn bruă kđi čar mđing truh kơ mta kñăm mđĭ kyar čar Gia Lai jing gru hmô mđĭ kyar bruă duh mkra mtah, h’ĭt kjăp, jiă knhuah dhar kreh./.