Mơ̆ng anăn, dua nah bi tŭ ư mâo dŭm klei bi mjĕ êrô, bi tuôm khua êmua gưl dlông, lehanăn djăp gưl, dŭm dhar bruă; mđĭ hĭn klei tŭ dưn bruă klam mơ̆ng êpul hgŭm dua nah hlăm klei mtrŭt mjhar ksiêm wĭt jih jang bruă khua êmua gưl dlông mbĭt, mđrăm mbĭt bi mguôp bruă lĭng kahan, hyuă kjăp hdră êlan bi hgŭm boh nik bruă mkra êlan êdeh treng, êlan dơ̆ng, mđĭ hĭn klei pŏk mlar, mkra wĭt dŭm boh ƀăng jang knông lăn, rŭ mdơ̆ng ƀăng jang knông lăn thâo mĭn, mjing klei găl kơ mnơ̆ng dhơ̆ng Việt Nam dưi găn hŏng êlan êdeh treng China ba čhĭ truh kơ dŭm lăn čar hluh Asi – Ơrôp.

Bi hgŭm kjăp hlăm bruă kiă kriê, răng mgang kjăp knông lăn, lehanăn ksiêm dŭm klei adôk ka thâo bi djŏ hlăm êlan êa ksĭ tui si klei bhiăn Êpul hgŭm lu ala čar kơ klei bhiăn êa ksĭ thŭn 1982.