Ti dŭm alŭ wăl mnuih Chăm hdĭp mda 100% să djăp hnơ̆ng čuăn krĭng ƀuôn snag mrâo, mâo êlan ô tô nao ti alŭ wăl, 100% krĭng mnuih Chăm yua pui kmlă, mâo anôk mdrao mgŭn, sang dhar kreh să, sang hră. Hnơ̆ng prăk hrui wĭt mnuih Chăm lu hĭn leh anăn ênoh gŏ êsei ƀun ăt ƀiă hĭn mkă hŏng hnơ̆ng kah knar kluôm čar Ninh Thuận.

Hlăm mmông drông, K’iăng Khua knŭk kna Trần Lưu Quang čang hmăng phung khua dlăng bruă klei đăo lŏ dơ̆ng jing kmeh gơ̆ng hlăm bruă mtrŭt mjhar phung đăo hlue ngă dŭm hdră êlan mơ̆ng Đảng, knŭk kna, hlăm bruă mđĭ lar, răng kriê knhuah gru dhar kreh, lu jơr, đru bi lu jơr dhar kreh dŭm djuê ana Việt Nam. K’iăng Khua knŭk kna ksiêm dlăng klei đru mguôp mơ̆ng mnuih ƀuôn sang dŭm djuê ana hlăm krĭng ƀuôn sang Chăm ti Ninh Thuận jing klei đru mguôp lu hlăm klei đĭ kyar mơ̆ng alŭ wăl leh anăn lăn čar.