Anei jing êpul khua êmua bruă kƀĭn ala Ơrôp tal 3 hriê čuă Việt Nam yap mơ̆ng akŏ thŭn truh kơ ară anei, bi êdah klei dlăng yuôm bhăn mơ̆ng Êpul hgŭm Ơrôp hŏng bruă mđĭ hĭn klei mjĕ giăm hŏng Việt Nam. Hlăm mmông tŭ drông, k’iăng Khua knŭk kna Trần Lưu Quang mñă klă, Việt Nam dlăng yuôm bhăn leh anăn hmăng hmưi mtrŭt mđĭ klei mjĕ giăm hŏng Êpul hgŭm Ơrôp.

K’iăng Khua knŭk kna Trần Lưu Quang hmăng hmnưi 2 tĭng mtrŭt mđĭ klei bi mguôp hlăm dŭm mta bruă, boh nik jing dŭm mta bruă mđing tal êlâo mơ̆ng tar rŏng lăn leh anăn EU mâo klei găl msĕ si mđĭ kyar mtah, đĭ kyar kjăp, pui kmlă doh, bi mdrơ̆ng hŏng klei mlih yan adiê…Hluê anăn đru mđĭ hĭn klei mjĕ giăm bi mguôp kluôm dhuôm Việt Nam – EU, dưi đĭ kyar ƀrư̆ hruê ƀrư̆ êlam leh anăn klă klơ̆ng hĭn. K’iăng Khua knŭk kna mnă kơ Dhar bruă Ơrôp hnưm lui hĕ hră kñĭ hŏng kan hdang mơ̆ng Việt Nam hŏng dŭm klei gĭr jăk leh anăn klă sĭt mơ̆ng Việt Nam hlăm bruă gang mkhư̆ klei mă kan hdang soh hŏng hdră bhiăn.