Hưn mdah hlăm mmông mă bruă, k’iăng khua Phŭn bruă kreh knhâo leh anăn mrâo mrang Lê Xuân Định brei thâo, truh kơ ară anei, klei bhiăn kơ klei kreh knhâo mrâo mrang leh anăn mlih mrâo hŏng klei mbruă dưi ngă kluôm hŏng 8 hdră bhiăn. Phŭn bruă dưi mkŏ mjing, hưn mdah hŏng Khua knŭk kna čiăng ba mdah hdră êlan mđĭ kyar klei kreh knhâo mrâo mrang leh anăn mlih mrâo hŏng klei mbruă truh ti thŭn 2030 hŏng mta kñăm ba bruă anei jing boh kdrŭt đĭ kyar.

Hlăm mmông mă bruă, k’iăng Khua knŭk kna Trần Lưu Quang tŭ ư čiăng mâo sa hdră mdê kơ klei kreh knhâo mrâo mrang leh anăn phung mă bruă hlăm bruă anei, mñă klă srăng mkŏ mjing hdră bhiăn kriê dlăng mơ̆ng knŭk kna kơ bruă mđĭ kyar klei kreh knhâo mrâo mrang. Mđĭ kyar leh anăn dưn yua ktang klei kreh knhâo mrâo mrang leh anăn mlih mrâo hŏng klei mbruă čiăng mkŏ mjing klei kdlưn hĭn mđĭ hnơ̆ng tŭ jăk, ai bi ktưn mơ̆ng bruă duh mkra.