Hruê anei (6/6), Klei bi kƀĭn bruă duh mkra lu ala čar St. Petersburg (Russia) tal 27 mŭt hlăm hruê ngă bruă tal 2. Klei bi kƀĭn klă sĭt mkŏ mjing hlăm hruê anei. K’iăng Khua knŭk kna Trần Lưu Quang ngă khua êpul bi ala Việt Nam nao leh anăn ƀlŭ hrăm hlăm klei bi kƀĭn. Hŏng akŏ “Tur knơ̆ng dlông rŏng lăn lu tĭng - mkŏ mjing dŭm anôk đĭ kyar mrâo”, hlăm jar klei bi kƀĭn, dŭm bruă kơ klei bi hgŭm lu ala čar leh anăn kđi čar kluôm rŏng lăn srăng dưi bi trông.

Klei bi kƀĭn hưn mthâo kdrăp čiăng ngă bruă mnia blei tŭ dưn leh anăn mđĭ kyar dŭm anôk bruă duh mkra điêt leh anăn man dưn.  Hlăm klei bi kƀĭn mâo klei mblang kơ hdră msir đru kơ phung mnia blei, klei kčĕ bi liê leh anăn dŭm gru hmô boh sĭt tŭ jing.  Mâo lu phung khua gĭt gai gưl dlông dŭm ala čar, khua anôk bruă duh mkra leh anăn phung kreh knhâo, bi ala kơ dŭm anôk bruă duh mkra hŏng 18.600 čô mơ̆ng 139 ala čar leh anăn krĭng lăn kluôm rŏng lăn nao hlăm klei bi kƀĭn.