Hlue si klei hưn mdah mơ̆ng Phŭn bruă kriê dlăng bruă knuă, hlue ngă bruă mkŏ dăp phung mă bruă hlăm anôk bruă knŭk kna leh anăn lŏ mkŏ mjing anôk bruă knŭk kna, dŭm alŭ wăl bi hrŏ leh 13 knơ̆ng bruă leh anăn êpul bruă knŭk kna mkăn hlăm Knơ̆ng bruă sang čư̆ êa čar; bi hrŏ êbeh 2.500 adŭ bruă leh anăn anôk bruă bi knar hlăm anôk bruă Knơ̆ng bruă sang čư̆ êa čar, kdriêk, mbĭt anăn lŏ dơ̆ng ktuê dlăng, mkŏ dăp anôk bruă knŭk kna, yap jih thŭn 2023 bi hrŏ êbeh 7.800 anôk bruă knŭk kna.

Blŭ hrăm hlăm anôk bi kƀĭn, K’iăng Khua knŭk kna Trần Lưu Quang bi mni kơ klei gĭr ktưn, bruă klam mơ̆ng êpul gĭt gai, knuă druh, phung mă bruă knŭk kna leh anăn boh tŭ dưi mâo mơ̆ng jih jang bruă kriê dlăng bruă knuă hlăm thŭn 2023. Hlăm anăn mâo lu bruă dleh dlan./.