Tui si klei bi mklă mơ̆ng khua knŭk kna kơ bruă čuăl mkă čar Lâm Đồng, truh thŭn 2030, Lâm Đồng srăng jing sa boh čar kluôm dhuôm, rŭ mdơ̆ng Đà Lạt lehanăn krĭng riêng giăm jing anôk pioh kơ bruă hiu čhưn dhing hŏng hnơ̆ng kjăp kơ kluôm ala lehanăn kơ alŭ wăl Ngŏ Dhŭng ASi, jing anôk mjuăt bi hriăm, mlih mrâo hŏng klei knhêč. Hlăm anăn, hnơ̆ng đĭ kyar GRDP kah knar mâo 8,5-9%/thŭn, hrui wĭt kah knar grap čô mnuih mâo 170 êklăk prăk/thŭn, hnơ̆ng ênoh gŏ êsei hrŏ ƀun mơ̆ng 1-1,5%... 

Tă hdră truh thŭn 2050, djăp ênoh čuăn jing ƀuôn prŏng dôk hlăm gưl dlông ênuk mrâo, jiă knhuah gru dhar kreh, mtah doh, thâo mĭn lehanăn năng hdĭp. Ăt hlăm hrue mbrue, K’iăng khua knŭk kna Trần Lưu Quang nao lehanăn mâo leh klei bi êdah tač êdeh phiơr Liên Khương (Lâm Đồng) srăng dưi phiơr nao hŏng ala tač êngao. Wưng thŭn 2021-2030, Tač êdeh phiơr Liên Khương mâo čuăl mkă djăp ênoh čuăn jing tač êdeh phiơr 4E lehanăn tač êdeh phiơr bruă kahan ti gưl II. Hŏng hnơ̆ng dưi dưn yua hlăm bruă đĭ trŭn truh 5 êklăk gưl čô tue lehanăn 20.000 tôn mnơ̆ng hlăm grăp thŭn./.