Hlăm mmông tŭ drông, k’iăng Khua knŭk kna Trầm Lưu Quang hơêč hmưi kơ dŭm boh tŭ dưn mơ̆ng Đảng cách mạng leh anăn mnuih ƀuôn sang Lào mâo leh hlăm klei mđĭ kyar bruă duh mkra ala ƀuôn, mñă ktang klei mjĕ giăm plah wah 2 Đảng, 2 knŭk kna leh anăn mnuih ƀuôn sang 2 ala čar dôk đĭ kyar jăk siam. K’iăng Khua knŭk kna đăo knang, gưl hriê čuă anei srăng đru bi êlam hĭn klei bi mguôp, bi hgŭm kluôm dhuôm Việt Nam – Lào.

K’kiăng Khua knŭk kna mñă hlăm wưng kơ anăp, 2 phŭn bruă kiă kriê bruă knuă bi mguôp kjăp hĭn hlăm bruă hluê ngă klei kuôl kă plah wah 2 anôk bruă, boh nik hlăm dŭm mta bruă msĕ si: ksiêm duah čih mkra hdră bhiăn, kriê dlăng knŭk kna, bi trông êpul plah wah 2 Phŭn bruă, mtô mjuăt mnuih mă bruă knŭk kna, kah mbah klei hriăm mkŏ mjing hdră koă kriê truh kơ bruă sang čư êa alŭ wăl.