VOV4.Êđê- Aguah 7/4, K’iăng khua knŭk kna Vũ Đức Đam nao čhưn leh anăn mă bruă ti čar Vĩnh Long kơ bruă sang hră mtô bi hriăm leh anăn Dhar kreh, mjuăt ktang asei mlei leh anăn hiu čhưn ênguê. Knơ̆ng bruă sang čư̆ êa čar Vĩnh Long hưn leh hŏng K’iăng Khua knŭk kna klei tŭ hlue ngă dŭm bruă klam phŭn hlăm bruă dhar kreh, mjuăt ktang asei mlei , hiu čhưn ênguê leh anăn sang hră mtô bi hriăm wưng ară anei. Hlăm anăn bi mklă, wăt tơdah mâo lu klei dleh dlan, ƀiădah čar mđing mđĭ kyar dhar kreh, mjuăt ktang asei mlei leh anăn hiu čhưn ênguê rơ̆ng djŏ hdră kñăm, hdră kčah mđĭ kyar bruă duh mkra mơ̆ng čar leh anăn hlăm krĭng. K’iăng Khua knŭk kna čang hmăng Vĩnh Long lŏ dơ̆ng mâo dŭm hdră msir mđĭ ktang kriê dlăng bi tŭ ư kơ bruă mtô bi hriăm ti alŭ wăl mâo nai mtô, hđeh sang hră, adŭ hriăm. Msir mgaih klei phung nai dưi mŭt mtô klă sĭt, mâo keh prăk đru kơ phung hđeh sang hră mâo klei hdĭp dleh dlan.

Pô mblang: H’Zawut Ƀuôn Yă