VOV4.Êđê - Aguah mbruê, (14/9), ti Nha Trang, êpul mă bruă mơ̆ng Knŭk kna mâo K’iăng khua knŭk kna Vũ Đức Đam djă akŏ mă leh bruă hŏng Anôk bruă sang čư̆ êa čar Khánh Hòa kơ bruă mtô bi hriăm – dhar kreh – ala ƀuôn. Blŭ ti knăm anei, K’iăng khua knŭk kna bi mni kơ bruă hluê ngă hdră mtô bi hriăm – dhar kreh – ala ƀuôn mơ̆ng čar. Boh nik, hlăm hdră gang mkhư̆ Covid-19.

K’iăng khua knŭk kna brei thâo, wưng ti anăp, Phŭn bruă mdrao mgŭn mâo leh klei ktrâo lač kơ hnơ̆ng čuăn čiăng kơ čar duh bi liê mkra anôk bruă ksiêm dlăng klei ruă tưp. Dŭm sang êa drao gưl knhal tuič mơ̆ng Phŭn bruă mdrao mgŭn mâo hdră đru kơ sang êa drao gưl čar. Kơ bruă mlih mrô, Knơ̆ng bruă hâo hưn mtô mblang đru kčĕ kơ čar ba mdah klei tĭng dlăng klă sĭt hlăm bruă mkra knŭk kna elektronik, mkăp kơ mnuih ƀuôn sang./.

H’ Nêč pô mblang