VOV4.Êđê - Aguah 21/1, K’iăng Khua knŭk kna Vũ Đức Đam hŏng êpul mă bruă nao čhưn, mđĭ ai leh anăn mđup brei mnơ̆ng kơ phung mă bruă mâo klei hdĭp dleh dlan, phung mâo klei ruă kjham, phung sui thŭn amâo mâo klei găl wĭr ƀuôn sang ƀơ̆ng Tết, phung hmaĭ kyua Covid-19 ti čar Thừa Thiên Huế ƀri gưl Tết Nguyên đán Nhâm Dần.  K’iăng Khua knŭk kna Vũ Đức Đam leh anăn phung bi ala Khua Êpul hgŭm mnuih mă bruă Việt Nam mđup brei leh 200 hnư mnơ̆ng, grăp hnư mâo ênoh 1.250.000 prăk, mâo 1 hnư mnơ̆ng mâo ênoh 250 êbâo prăk leh anăn 1 êklăk prăk. Ăt hlăm aguah 21/1, K’iăng Khua Knŭk kna Vũ Đức Đam nao čhưn hŏng phung dôk mdrao mgŭn ti Sang êa drao hnak ksŏ čar Thưà Thiên Huê ti ƀuôn hgŭm Hương Sơ, ƀuôn prŏng Huế. Tinei,  K’iăng Khua knŭk kna hơêč hmưi Tết leh anăn bi đru klei dleh dlan hlăm wưng êgao hŏng êpul aê mdrao leh anăn mnuih ruă, mbĭt anăn čang hmăng phung aê mdrao lŏ dơ̆ng gĭr ktưn hlăm bruă mdrao mgŭn.

H’Zawut pô mblang