VOV4.Êđê- Aguah 5/9, hlai mbĭt hŏng ai êwa hơ̆k mơak hlăm Knăm jih jang mnuih ƀuôn sang ba hđeh nao sang hră, phung nai hŏng hđeh sang hră Sang hră gưl sa Trung Tự, (kdriêk čar Đống Đa, Hà Nội) ktưn hưn drông K’iăng Khua Knŭk kna Vũ Đức Đam nao hlăm Knăm mphŭn pŏk thŭn hriăm mrâo 2022-2023. Sang hră gưl sa Trung Tự ară anei mâo êbeh 1 êbâo 700 čô hđeh sang hră hŏng 38 adŭ hriăm, hlăm anăn mâo 1 boh adŭ ñŭ kma kơ phung hđeh amâo jăk asei mlei, hriăm êmưt, mâo klei bi knăl ñŭt huĭ…

Leh nao hlămk knăm mphŭn pŏk thŭn hriăm leh anăn nao dlăng kdrăp mnơ̆ng sang hră gưl sa Trung Tự, K’iăng Khua knŭk kna Vũ Đức Đam čang hmăng, gru hmô bi hriăm mơ̆ng sang hră gưl sa Trung Tự dưi bi lar lu boh sang hră mkăn; mbĭt anăn, akâo kơ Khua gĭt gai kdriêk čar Đống Đa lŏ dơ̆ng mđing dlăng, mjing klei găl jăk hĭn čiăng kơ dŭm sang hră ti alŭ wăl lŏ dơ̆ng pŏk ngă bi hriăm ñŭ kma kơ hđeh amâo jăk asei mlei./.

 Pô mblang: H’Zawut Ƀuôn Yă