VOV4.Êđê - Aguah mbruê, Anôk bruă sang čư̆ êa čar Bình Dương mbĭt hŏng Êpul mtrŭt mđĭ hdră duh bi liê prŏng (Horasis), Êpul hgŭm tuh tia mkra mjing India, mphŭn pŏk Klei kƀĭn trông bi hgŭm bruă duh mkra India Horasis 2022 hŏng anăn “Pral kdal Việt Nam – hnơ̆ng trah dlăng mrâo”. Nao ti knăm anei mâo K’iăng khua knŭk kna Vũ Đức Đam lehanăn phung khua kiă kriê dŭm phŭn, knơ̆ng bruă gưl dlông.

Klei kƀĭn anei srăng mkŏ mjing 6 klei bi kƀĭn kluôm lehanăn 26 klei bi trông, Bình Dương čang hmăng srăng dưi duah hdră msir, đru mguôp mđĭ kyar hdră duh mkra Bình Dương. Blŭ ti knăm pŏk, K’iăng khua knŭk kna mñă, krĭng duh mkra mâo prăk duh bi liê ala tač êngao jing sa kdrêč yuôm bhăn hlăm hdră duh mkra, klei tŭ jing mơ̆ng phung duh bi liê ala tač êngao ăt jing klei tŭ jing mơ̆ng Việt Nam.  Klei bi kƀĭn dưi mkŏ mjing jing wưng čiăng kơ knŭk kna, anôk bruă duh mkra 2 ala čar Việt Nam – India hưn mthâo hnơ̆ng trah dlăng, klei mĭn lehanăn hdră kčah mă bruă hrăm mbĭt mđĭ kyar./.

H’Nêč pô mblang