VOV4.Êđê - Hlăm klei nao čuă leh anăn mă bruă ti čar Thừa Thiên Huế, aguah mbruê 3/8, k’iăng Khua lăn čar Võ Thị Ánh Xuân mbĭt hŏng êpul ngă bruă mâo leh klei nao čuă leh anăn myơr brui mngưi ti sang bi hdơr kơ khua gĭt gai Hồ Chí Minh leh anăn sang dhar kreh Đại tướng Lê Đức Anh.

Nao čuă sang bi hdơr kơ khua gĭt gai Hồ Chí Minh, mrô 112 êlan Mai Thúc Loan, ƀuôn prŏng Huế, k’iăng Khua lăn čar Võ Thị Ánh Xuân mbĭt hŏng êpul ngă bruă myơr leh brui mgưi kơ khua gĭt gai Hồ Chí Minh hŏng gŏ sang gơ̆. Anei jing sang tal 2 ñu hdĭp mda, mă bruă knuă, tui hriăm hlăm 6 thŭn, mơ̆ng thŭn 1895-1901. Anôk anei mâo leh gru kđăm hlăk ênuk êdam ngiêk mơ̆ng êkei êdam Nguyễn Tất Thành, jing anôk aduôn Hoàng Thị Loan, amĭ pô k’kiêng kơ Awa djiê. Ƀri wưng anei, k’kiăng Khua lăn čar Võ Thị Ánh Xuân ăt mđup brei 200 êklăk prăk kơ keh prăk răng mgang phung hđeh Thừa Thiên Huế.

Y-Ƀel pô mblang