K’iăng Khua lăn čar Võ Thị Ánh Xuân bi mni kơ klei đĭ kyar jăk siam hlăm klei bi hgŭm Việt Nam- Sweden leh êbeh 50 thŭn mkŏ mjing klei bi hgŭm, boh nik hlăm bruă duh mkra, mnia blei, bi liê, dhar kreh mtô bi hriăm, mjĕ êrô mnuih ƀuôn sang; mtă kơ dua tĭng lŏ dơ̆ng bi trông êpul dŭm gưl, boh nik gưl dlông, čiăng mđĭ kluôm klei bi hgŭm dua nah leh anăn lu tĭng.

Khua mil čhil Sweden Viola Amherd bi mni kơ boh tŭ bruă duh mkra, ala ƀuôn mơ̆ng Việt Nam hlăm dŭm thŭn êgao; bi mklă Sweden dlăng myuôm nanao klei bi hgŭm lu mta hŏng Việt Nam, mbĭt anăn lač dua ala čar adôk lu kơ klei bi hgŭm bruă duh mkra, mnia blei, bi liê. Khua mil čhil Sweden kah mbha klei mĭn K’iăng Khua lăn čar Võ Thị Ánh Xuân kơ klei yuôm bhăn bruă mtăp mđơr êkei mniê leh anăn mđĭ klei dưi phung mniê hlăm boh klei dlông rŏng lăn mâo lu klei bi mlih ară anei./.