Čih yap leh anăn pah mni dŭm boh tŭ dưn mơ̆ng čar Ang Giang, kdriêk Thoại Sơn leh anăn ƀuôn prŏng Long Xuyên dưi mâo hlăm wưng êgao, k’iăng Khua lăn čar Võ Thị Ánh Xuân hmăng hmưi, hlăm wưng bruă duh mkra dôk mâo lu klei dleh dlan, khua gĭt gai čar An Giang lŏ dơ̆ng ksiêm mĭn, dưn yua klei găl čiăng mđĭ kyar bruă lŏ hma hmar, tŭ dưn leh anăn kjăp, dưi mkŏ mjing boh tŭ dưn hĭn, hnư hrui wĭt mơ̆ng mnuih ƀuôn sang dưi mđĭ hĭn.

K’iăng Khua lăn čar gĭt gai, čar An Giang čiăng mtrŭt bi hmar klei duh bi liê bruă knŭk kna, čiăng bi hmar kơ klei đĭ kyar, yuôm bhăn hĭn jing tur knơ̆ng mđĭ kyar bruă duh mkra ala ƀuôn, iêo mthưr klei duh bi liê. Rơ̆ng hơ̆it klei hdĭp yang ƀuôn, bruă mă kơ mnuih ƀuôn sang, boh nik jing phung ênưih kpĕ êka.