VOV4.Êđê- Bi hdơr 132 thŭn hruê kkiêng Khua gĭt gai Hồ Chí Minh, tlam hruê 19/5, ti Anôk bruă Khua lăn čar, K’iăng khua lăn čar Võ Thị Ánh Xuân bi tuôm leh hŏng 60 čô êdam êra êdah êdi Êpul bruă duh mkra gưl dlông. Anei jing phung bi ala kơ êbeh 100 êbâo čô đoàn viên êdam êra anôk bruă duh mkra gưl dlông hlăm hdră tui hriăm lehanăn hluê ngă klei mĭn, knhuah hdĭp lehanăn knhuah mă bruă mngač Hồ Chí Minh wưng thŭn 2020 - 2022.  Blŭ hrăm ti knăm anei, K’iăng khua lăn čar mtă kơ anôk bruă duh mkra gưl dlông mđĭ hdră mtô mblang, čang hmăng phung êdam êra êdah êdi lŏ dơ̆ng mđĭ lar boh tŭ dưi mâo, mđĭ ai tiê đua klam, mâo klei čang hmăng mđĭ kyar đru mguôp kơ anôk bruă duh mkra, êpul group lehanăn anôk mă bruă ară anei mơ̆ng pô, năng jing gru mngač čiăng kơ phung đoàn viên, êdam êra tui hriăm./.

                                                    Pô mblang: H’Nêč Êñuôl