Đặng Thanh Hải, Khua êpul grŭp hdăng boh tâo – mnơ̆ng hlăm gŭ lăn Việt Nam TKV mâo leh klei hâo mdah hŏng k’iăng khua lăn čar dŭm klei tŭ dưn êdah hĭn hlăm bruă duh mkra mnia mblei, klei duh mĭn kơ êbeh 94 čô mnuih ngă bruă mơ̆ng êpul grŭp TKV. Thŭn 2022, êpul grŭp mâo hrui wĭt truh 166 êbâo êklai prăk, jing kdlưn hĭn mơ̆ng hlăk mkŏ mjing truh kơ ară anei, đĭ truh 28% mkă hŏng wưng anei thŭn 2021; ba jao kơ knŭk kna êbeh 21 êbâo êklai prăk, prăk mlan kah knar kơ mnuih ngă bruă jing 16 êklăk prăk/mlan…

K’iăng khua lăn čar Võ Thị Ánh Xuân hơêč hmưi kơ boh tŭ dưn êpul grŭp TKV lehanăn čar Quảng Ninh mâo leh hlăm wưng êgao, boh nik, klei đĭ kyar hlăm lu mta, mâo klei kpưn đĭ prŏng, snăn Quảng Ninh hlăk đru mguôp lehanăn dôk đru mguôp lu kơ klei mđĭ kyar lăn čar. K’iăng khua lăn čar mtă kơ dŭm êpul êya bi mâo hdră jăk hĭn mđĭ ênoh ba wĭt kơ mnuih ngă bruă./.