Blŭ ti anôk bi tuôm, K’iăng khua lăn čar Võ Thị Ánh Xuân mñă, lŏ dlăng wĭt ktuê êlan hƀuê ênuk mkŏ mkra lehanăn răng mgang ala čar mơ̆ng djuê ana Việt Nam, mâo leh klei săn asei, đru mguôp prŏng prĭn mơ̆ng ênuk gưl phung mniê hrăm mbĭt bi hgŭm mguôp đru mkŏ mkra lehanăn răng mgang ala čar.

Hlăm dŭm thŭn êgao, Knŭk kna Việt Nam dưi ngă  lehanăn hluê ngă tŭ dưn dŭm hdră mtrŭn kñăm rơ̆ng klei dưi mơ̆ng phung mniê, mtrŭt mđĭ klei mtăp mđơr êkei mniê lehanăn klei đĭ kyar mơ̆ng phung mniê. Ară anei, ti Việt Nam, phung mniê mâo êbeh 50% ênoh mnuih hlăm kluôm ala lehanăn dôk mâo bruă klam yuôm bhăn hlăm hdră mkŏ mkra, mlih mrâo ala čar. Ăt ti knăm anei, K’iăng khua lăn čar bi êdah klei lač jăk lehanăn čang hmăng phung mniê bi ala, Khua êpul bruă tar rŏng lăn srăng lŏ đru kơ Việt Nam hluê ngă tŭ dưn hdră mlih mrâo lehanăn ñŭ kma tar rŏng lăn, hlăm anăn mâo dŭm mta kñăm kơ klei mtăp mđơr êkei mniê lehanăn jao klei dưi kơ phung mniê./.