Tlam mbruê 30/5, ti sang bruă Khua lăn čar, Kiăng Khua lăn čar Võ Thị Ánh Xuân drông čhưn leh Êpul bi ala Êpul gơ̆ng ala čar mặt trận bi mguôp mđĭ kyar lăn čar Campuchia mơ̆ng Nhem Valy, Khua gưl dlông Đảng yang ƀuôn Campuchia, kiăng khua gĭt gai hlŏng păn ngă Khua kiă kriê Êpul gơ̆ng ala čar mặt trận bi mguôp mđĭ kyar lăn čar Campuchia ngă khua êpul hriê čuă leh anăn mă bruă ti Việt Nam.

Hlăm mmông tŭ drông, k’iăng Khua lăn čar mñă klă, Việt Nam dlăng yuôm bhăn leh anăn mđĭ tal êlâo kơ bruă mđĭ hĭn klei mjĕ giăm jăk siam, bi hgŭm knhuah gru, bi mguôp kluôm dhuôm, kjăp leh anăn sui plah wah Việt Nam leh anăn Campuchia. Yap yuôm bhăn klei bi mguôp plah wah mặt trận 2 ala čar hlăm wưng êgao, k’iăng Khua lăn čar hmăng hmưi, hlăm wưng kơ anăp, mặt trận 2 ala čar lŏ dơ̆ng bi mguôp kjăp, hluê ngă tŭ dưn dŭm klei kuôl kă, bi mguôp leh bi klă, bi lar bruă klam mặt trận 2 tĭng hlăm kluôm klei bi mguôp plah wah 2 Đảng, 2 knŭk kna leh anăn mnuih ƀuôn sang 2 ala čar, ăt msĕ hŏng klei bi mguôp plah wah dŭm alŭ wăl, boh nik jing dŭm čar knông lăn 2 ala čar.