VOV4.Êđê - Aguah mbrue (26/7), ti anôk bruă khua lăn čar, k’iăng khua lăn čar Võ Thị Ánh Xuân drông leh êpul bi ala mnuih mâo bruă tŭ dưn mơ̆ng čar Bình Định, ƀri êpul nao čhưn kơ Hà Nội, lehanăn nao čuă msat khua gĭt gai Hồ Chí Minh. Čar Bình Định ară anei mâo leh 180 êbâo čô phung knŭk kna dlăng ba, hlăm anăn mâo truh 32 êbâo čô phung êngiă asei, êbeh 26 êbâo čô kahan êka êkeh. Čar Bình Định ară anei dôk rông ba đru nanao hlăm grăp mlan êbeh 33 êbâo čô mnuih mâo bruă tŭ dưn hŏng cách mạng lehanăn găp djuê digơ̆. Blŭ hrăm ti anôk bi tuôm anei, k’iăng khua lăn čar mâo klei mơĭt asăp, čuă êmuh hŏng ai tiê klei khăp truh hŏng phung bi ala mnuih mâo bruă tŭ dưn hŏng cách mạng hlăm čar Bình Định; mtă kơ čar Bình Định mpŭ mni kơ phung mâo bruă tŭ dưn, hdơr knga kơ digơ̆ čih yap ai tiê prŏng prĭn digơ̆ duh myơr leh, iêo jak jih yang ƀuôn đru bi dlăng kriê mnuih mâo bruă tŭ dưn hŏng cách mạng./.

Y-Khem pô mblang