VOV4.Êđê- Aguah 17/6, K’iăng Khua lăn čar Võ Thị Ánh Xuân drông leh Êpul phung mniê mgăt êdeh duôr Čư̆ Prŏng. Mlan 12/1968, Bruă Đảng Anôk bruă kahan Duôr Čư̆ Prŏng mâo leh hdră mtrŭn mkŏ mjing êpul kahan mniê Duôr Čư̆ Prŏng kñăm đru kơ êpul lĭng kahan ƀăng jang knông lăn. Blŭ hrăm hlăm klei bi tuôm, bi ala kơ Đảng, Knŭk kna, K’iăng khua lăn čar Võ Thị Ánh Xuân mơĭt kơ phung mniê mgăt êdeh Duôr Čư̆ Prŏng klei hdơr knga leh anăn klei khăp jăk siam hĭn.

K’iăng khua lăn čar tŭ yap leh anăn bi mni kơ klei đru mguôp leh anăn dŭm klei tŭ êdah kdlưn mơ̆ng phung lĭng kahan mniê mgăt êdeh Duôr Čư̆ Prŏng hlăm klei bi blah bi kdơ̆ng hŏng Mi mtlaih lăn čar. K’iăng Khua lăn čar lač klă, klei săn asei hgăm mơ̆ng diñu đru mguôp prŏng prĭn hŏng djuê ana ngă mâo klei tŭ dưi kdrưh kơăm. K’iăng Khua lăn čar čang hmăng Phŭn bruă lĭng kahan, Khua Dhar bruă nah tluôn, Knơ̆ng bruă dŭ mdiăng mâo klei mđing dlăng hĭn hŏng phung mniê mgăt êdeh duôr Čư̆ Prŏng./. 

                                               Pô mblang: H’Zawut Ƀuôn Yă