Hlăm mmông tŭ drông, k’iăng Khua lăn čar Võ Thị Ánh Xuân bi êdah klei hơ̆k mơak kyua klei mjĕ giăm Việt Nam – Dhŭng Korea dôk hlăm wưng đĭ kyar jăk siam. Boh nik, klei mjĕ mjuk mnuih ƀuôn sang mơak mñai hŏng hlăm brô 200 êbâo čô mnuih ƀuôn sang mơ̆ng grăp lăn čar dôk hdĭp mda, hluê hriăm, mă bruă ti ala čar hdơ̆ng găp, hlăm anăn mâo hlăm brô 80 êbâo gŏ sang bi mguôp dhar kreh Việt Nam – Dhŭng Korea.

K’iăng Khua lăn čar mñă hlăm wưng kơ anăp dua tĭng lŏ dơ̆ng bi mguôp hluê ngă klei bi mguôp hdră êlan kluôm dhuôm Việt Nam – Dhŭng Korea, boh nik jing hluê ngă hdră ngă bruă klei bi mguôp kluôm dhuôm Việt Nam – Dhŭng Korea bi klă leh ti mlan 6/2023. Mbĭt anăn mđĭ hĭn klei mjĕ giăm bruă kđi čar – bruă hŏng tač êngao hŏng bruă mtrŭt mđĭ klei bi trông êpul gưl dlông leh anăn dŭm gưl, hluê anăn bi kjăp klei đăo knang bruă kđi čar leh anăn bi êlam hĭn klei mjĕ giăm plah wah khua gĭt gai dŭm ala čar, hluê ngă tŭ dưn dŭm hdră bi mguôp, dŭm klei kuôl kă gưl dlông plah wah dua lăn čar.