VOV4.Êđê- Hrue mbrue (18/8), K’iăng khua lăn čar Võ Thị Ánh Xuân mbĭt hŏng êpul ngă bruă hriê čuă lehanăn mă leh bruă ti kđông kahan răng mgang knông lăn Serepok, mă bruă hŏng knơ̆ng bruă sang čư̆ êa kdriêk Ƀuôn Đon, lehanăn Trung đoàn kahan ksiêm knhăk Lăn Dap Kngư dôk ti čar Daklak sơăi.

Nao čuă knuă druh lĭng kahan răng mgang knông lăng ti kđông Serepok, k’iăng khua lăn čar mâo leh klei bi mni lehanăn bi myuôm klei thâo bi mguôp, gĭr hgao klei dleh dlan bi leh bruă jao mơ̆ng lĭng kahan răng mgang knông lăn čar Daklak, jing čar mâo anôk yuôm bhăn kơ bruă răng mgang klei êđăp ênang ti alŭ wăl Lăn Dap kngư. Mă bruă hŏng phung khua kiă kriê kdriêk Ƀuôn Đon, k’iăng khua lăn čar mtă lŏ mđing đru lu hĭn msir bruă bi hrŏ ƀun hlăm kdriêk kyua ênoh mnuih ƀun lu hĭn êbeh 37%. Mjing djăp klei găl kơ bruă mđĭ kyar klei duh mkra hlăm alŭ wăl anei./.

Pô mblang: Y-Ƀel Êban