VOV4.Êđê - Hlăm tlam 16/5, ti Văn Miếu-Quốc Tử Giám Hà Nội, K’iăng Khua lăn čar Võ Thị Ánh Xuân iêô leh Katerina Sakellaropoulou nao hlăm klei bhiăn mnăm êa čê. K’iăng Khua lăn čar Võ Thị Ánh Xuân hơêč hmưi kơ klei tŭ jăk siam hlăm klei bi trông plah wah Khua mil čhil leh anăn Khua lăn čar Nguyễn Xuân Phúc; đaŏ knang gưl hriê čhưn srăng tŭ jing jăk, đru mđĭ klei b hgŭm Việt Nam - Grek lŏ dơ̆ng đĭ kyar êlam hĭn.  Hưn mthâo hŏng Khua mil čhil Grek kơ Văn Miếu-Quốc Tử Giám, K’iăng Khua lăn čar brei thâo anei jing anôk kriê pioh hƀuê ênuk yuôm bhăn mơ̆ng Việt Nam, bi êdah knhuah gru kriăng hriăm, mpŭ kơ nai mtô, ba yua phung knhâo mơ̆ng djuê ana Việt Nam dŭm êbâo thŭn êgao. Hlăm ai êwa jăk mơak, K’iăng Khua lăn čar Võ Thị Ánh Xuân iêô Khua mil čhil Grek nao hlăm klei bhiăn mnăm êa čê mnuih Yuăn hŏng dŭm mta čê hing ang ti Việt Nam, dlăng mdah hơô ao dai leh anăn dlăng klei kdŏ mmuiñ djuê ana Việt Nam./.

H’Zawut  pô mblang