K’iăng khua lăn čar Võ Thị Ánh Xuân mtrŭt mjhar, êmuh hrăm leh anăn mbĭt hŏng phung bi ala kơ êpul mâo ai tiê kmah mđup brei 50 boh êdeh wai jơ̆ng, 100 hnư prăk đru hriăm hră kơ 150 čô hđeh mâo klei hdĭp dleh dlan ti kdriêk Thanh Hà hŏng ênoh êbeh 260 êklăk prăk.

Bi keh răng mgang phung hđeh Việt Nam mđup brei 100 boh êdeh wai jơ̆ng, lu hnư mnơ̆ng leh anăn dŭm hnư prăk hriăm hră hŏng ênoh êbeh 1 êklai 3 êtuh êklăk prăk kơ hđeh mâo klei hdĭp dleh dlan ti Hải Dương. Mơ̆ng akŏ thŭn truh ara anei, Keh răng mgang phung hđeh Việt Nam iêô mkrum 20 êklai prăk čiăng mkŏ mjing hdră đru kơ hđeh mâo klei hdĭp dleh dlan msĕ si: Mđup brei hnư prăk hriăm hră, êdeh wai jơ̆ng, bi hrŏ klei êka, gang mkhư̆ klei mngăt hlăm êa, đru kơ alŭ wăl pŏk ngă bruă ngă mlan ngă bruă kyua phung hđeh…