VOV4.Êđê- Aguah mbrue (23/8), ti Hà Nội, K’iăng khua lăn čar Võ Thị Ánh Xuân, Khua êpul gơ̆ng bruă đru ba keh hđeh êlăk Việt Nam nao čuă lehanăn mđup brei leh mnơ̆ng kơ phung hđeh dôk bliah kƀuê mbah ti sang êa drao Việt Nam –Cuba. Mơ̆ng thŭn 1997, keh anei mkŏ mjing leh hdră đru kơ hđeh bliah mdrao kƀuê mbah, hŏng phung hđeh amâo mâo jăk kƀông mbah. Leh 25 thŭn ngă nanao bruă anei, truh kơ ară anei mâo leh êbeh 30 êbâo čô hđeh hlăm kluôm ala mâo bliah mdrao mâo keh anei đru ba. Thŭn anei tĭng srăng lŏ đru kơ 2 êbâo čô hđeh ti dŭm čar kwar Dưr, kwar krah, Lăn Dap Kngư lehanăn kwar Dhŭng. Snăn ti gưl anei, sang êa drao Việt Nam – Cuba, êpul bruă Operation smile ssrăn kơ bruă bliah mdrao kƀuê mbah, lehanăn ƀô̆ mta kơ 800 čô hđeh ti dŭm čar nah dưr. Jih jang prwak bliah mdrao, lehanăn klei bi liê kơ huă ƀơ̆ng, anôk dôk êrô êbat kơ hđeh mâo klei đru kluôm dhuôm./.

Pô mblang: Y-Khem Niê