Grăp hruê tŭ jum mơ̆ng 3.500 - 4.500 čô hđeh nao ksiêm mkă, sang êa drao mdrao hđeh gưl dlông mâo nanao hlăm brô 2000 čô hđeh đih mdrao. Anei jing anôk mdrao kơ hđeh gưl knhal tuč anăn mâo lu phung ruă kjham. Mđĭ ai phung knuă druh mdrao mgŭn kƀĭn dŏng mdrao kơ hđeh, K’iăng Khua lăn čar Võ Thị Ánh Xuân mtă: kơ êpul aê mdrao brei mâo ai tiê, thâo mbruă, mâo klei thâo čiăng kriê dlăng klei suaih pral kơ hđeh…

K’iăng Khua lăn čar Võ Thị Ánh Xuân mđup brei 50 êklăk prăk čiăng kơ Sang êa drao mdrao hđeh gưl dlông đru kơ phung hđeh mâo klei hdĭp dleh dlan, mbĭt anăn mbĭt hŏng phung knuă druh bi ala kơ Keh đru kơ phung hđeh Việt Nam, keh đru kơ phung mâo klei ruă brŭ - Hruê Mgi Jăk Mơak mđup brei 200 hnư mnơ̆ng kơ phung hđeh mâo klei hdĭp dleh dlan ti Anôk mdrao klei ruă brŭ leh anăn Anôk bruă mdrao kơ kŏ dlô./.