Hlue si K’iăng Khua lăn čar, čar Quảng Nam jing krĭng tŭ lu klei săn asei, luč liê prŏng hlăm klei bi blah. Tinei mâo êbeh 65 êbâo čô jhŏng ktang êngiă asei, 15. 339 čô amĭ Việt Nam jhŏng ktang leh anăn 45.500 čô knŭk kna dlăng ba. K’iăng Khua lăn čar Võ Thị Ánh Xuân mtă kơ čar Quảng Nam kƀĭn msir mgaih klei kƀah mâo dŭm êpul ksiêm dlăng mơ̆ng gưl dlông lač, gĭr bi leh hnơ̆ng kčah bruă klam hlăm wưng 2021 -  2025, mơ̆ng anăn mjing klei êdah êdi hlăm wưng đĭ kyar mrâo.

Gưl anei, K’iăng Khua lăn čar Võ Thị Ánh Xuân mđup brei mnơ̆ng bi knăl ti čar Quảng Nam mkŏ mjing 10 boh sang klei khăp, mâo ênoh 500 êklăk prăk; mđup brei 200 hnư mnơ̆ng Tết kơ gŏ sang knŭk kna dlăng ba leh anăn gŏ êsei ƀun ti čar Quảng Nam, mđup brei 200 hnư mnơ̆ng Tết đru kơ phung mâo klei hdĭp dleh dlan leh anăn 200 êklăk kơ phung hđeh mâo klei hdĭp dleh dlan ti čar Quảng Nam.