VOV4.Êđê -  Mmăt 8/9, K’iăng Khua lăn čar, Khua Êpul hgŭm Keh răng mgang phung hđeh Việt Nam Võ Thị Ánh Xuân hŏng êpul Mă bruă mơ̆ng Gưl dlông nao hlăm Knăm mơak mlan pur leh anăn mđup brei mnơ̆ng kơ hđeh sang hră gưl 2 knŭk kna dlăng ba kdriêk Văn Yên, čar Yên Bái, hŏng phung bi ala kơ hđeh mâo klei hdĭp dleh dlan, hđeh amâo jăk asei mlei ti kdriêk, nao hlăm bruă ngă mơak knăm mlan pur msĕ si hiu čhưn dlăng, nao hlăm wăl dhar kreh phung hđeh, dlăng kdŏ anak rai…

Ƀri gưl Knăm mlan pur thŭn 2022, K’iăng Khua lăn čar Võ Thị Ánh Xuân mđup brei 400 êklăk prăk kơ hđeh mâo klei hdĭp dleh dlan ti čar Yên Bái, mđup brei 20 hnư prăk hriăm hră kơ hđeh sang hră gưl 2 knŭk kna rông ba ti kdriêk Văn Yên. 

Keh răng mgang phung hđeh Việt Nam mđup brei 100 hnư prăk hriăm hră hŏng 30 boh êdeh wai jơ̆ng kơ hđeh sang hră. Êpul hgŭm phung amâo jăk asei mlei leh anăn hđeh êrĭt amĭ ama Việt Nam mđup brei mnơ̆ng kơ 50 čô hđeh sang hră. Keh đru kơ phung hđeh čar mđup brei 20 hnư mnơ̆ng kơ hđeh mâo klei hdĭp dleh dlan, hđeh sang hră amâo jăk asei mlei ti kdriêk./.

H’ Zawut pô mblang