VOV4.Êđê - Ƀri hruê phung hđeh 1/6 leh anăn mlan ngă bruă Kyua phung hđeh thŭn 2022, K’iăng Khua lăn čar Võ Thị Ánh Xuân nao čhưn hŏng phung hđeh dôk mdrao klei ruă brŭ ti Sang êa drao K (ti Tân Triều - Hà Nội). Êmuh hrăm leh anăn mđup brei mnơ̆ng kơ phung hđeh, dŭm gŏ sang phung hđeh dôk mdrao ti sang êa drao K Tân Triều, K’iăng Khua lăn čar Võ Thị Ánh Xuân bi êdah klei mđing dlăng, klei khăp hŏng phung hđeh dôk đih mdrao tinei. K’iăng Khua lăn čar hơêč hmưi klei suaih pral kơ phung hđeh dôk mdrao, čang hmăng phung hđeh gĭt mdrao, hnưm lŏ suaih pral leh anăn wĭt hŏng gŏ sang.  K’iăng Khua lăn čar mơak leh ƀuh kdrăp mnơ̆ng mơ̆ng sang êa drao ƀrư̆ hruê djăp ênŭm, mbĭt anăn bi mni kơ klei gĭr ktưn phung aê mdrao čiăng kơ lu phung ruă brŭ, boh nik phung mniê, hđeh điêt, phung mniê ba tian mâo klei găl bi tai sui klei hdĭp./.

H’ Zawut pô mblang