K’iăng Khua lăn čar Võ Thị Ánh Xuân hŏng êpul mă bruă nao myơr brui mngưi, myơr mnga kơ sang bi hdơr kơ Khua gĭt gai Hồ Chí Minh leh anăn pla kyâo bi hdơr ti Wăl kriê pioh ala čar Pác Bó (să Trường Hà, kdriêk Hà Quảng). Hlăm gưl nao mă bruă, K’iăng Khua lăn čar mđup brei 20 boh sang kơ gŏ êsei ƀun; mđup brei 50 hnư mnơ̆ng kơ gŏ sang knŭk kna dlăng ba leh anăn 200 čô hđeh sang hră mâo klei hdĭp dleh dlan gĭr ktưn hlăm klei hriăm hră ti kdriêk Hà Quảng. 

Čih yap klei gĭr leh anăn klei tŭ mđĭ kyar bruă duh mkra ala ƀuôn mơ̆ng Hà Quảng ăt msĕ mơh čar Cao Bằng dưi mâo hlăm wưng êgao, K’iăng Khua lăn čar Võ Thị Ánh Xuân mtă kơ alŭ wăl brei lŏ dơ̆ng iêô mkrum klei găl čiăng mđing kriê dlăng klei hdĭp mda mnuih ƀuôn sang, mđĭ lar knhuah gru ƀuôn sang krŭ kdơ̆ng, mđĭ lar klei găl mâo leh, čiăng iêô jak duh bi liê, mđĭ kyar bruă duh mkra, mđĭ klei hdĭp mda yang ƀuôn./.