K’iăng khua lăn čar Võ Thị Ánh Xuân nao čhưn, mđup brei mnơ̆ng, mđĭ ai êpul kahan Lữ đoàn hô̆ mran kngăm 189, Quân chủng Hải quân; Lữ đoàn kahan êa 162, Kahan êa krĭng 4. Nao čuă phung knuă druh, lĭng kahan Knơ̆ng gĭt gai kahan êa krĭng 4, k’iăng khua lăn čar Võ Thị Ánh Xuân bi êdah klei m’ak anăp klei đĭ hriê kơ prŏng mơ̆ng êpul kahan êa krĭng 4, amâo djŏ knŏng mjuăt bi hriăm mprăp kdơ̆ng mblah, đru dŏng mnuih mâo klei truh ƀiădah lŏ jing anôk đăo knang kjăp kơ phung hiu mă kan hlăm êa ksĭ.

Hŏng phung kahan êa krĭng 4, K’iăng khua lăn čar mtă ngă jăk 3 mta bruă: Răng mgang kjăp klei dưi kiă kriê kluôm ênŭm krĭng êa ksĭ, plao ksĭ, rơ̆ng klei êđăp ênang krĭng êa ksĭ lehanăn mđĭ kyar bruă duh mkra êa ksĭ h’ĭt kjăp./.