Nao čuă leh anăn mđĭ ai phung knuă druh, lĭng kahan Tiểu đoàn Bộ binh 1, hlăm Trung đoàn 754, knơ̆ng gĭt gai lĭng kahan čar Sơn La, k’iăng Khua lăn čar bi myuôm klei gĭr mơ̆ng phung knuă druh lĭng kahan mgaih msir djăp klei dleh dlan, gĭr ktưn bi leh bruă klam dưi jao.

K’iăng Khua lăn čar mñă kơ êpul lĭng kahan čar Sơn La, Tiểu đoàn Bộ binh 1 lŏ dơ̆ng thâo klă, đăo knăl djŏ boh sĭt, čŏng pô đru kčĕ hŏng gưl bruă Đảng nah gŭ, bruă sang čư êa alŭ wăl, Wăl kahan mrô 2 leh anăn Phŭn bruă lĭng kahan hmao mgaih msir dum boh klei, amâo mâo brei mâo klei kjăt kƀla. Ƀri wưng anei, k’iăng Khua lăn čar Võ Thị Ánh Xuân mđup brei 30 hnư mnơ̆ng kơ dŭm gŏ sang dleh alan, 20 hnư mnơ̆ng kơ phung hđeh sang hdră dleh dlan ti ƀuôn prŏng Sơn La, mđup brei ênoh prăk rŭ mdơ̆ng sang bi mguôp kơ čar Sơn La.