Blŭ hrăm ti anôk mă bruă, K’iăng khua lăn čar mâo klei mơak leh găn sa thŭn êgao, ala čar drei dưi gan leh jih klei lông dlăng klei dleh dlan, kpưn đĭ mâo ba wĭt lu klei jăk jĭn. K’iăng khua lăn čar mtă kơ êpul khua kiă kriê bruă Đảng, bruă sang čư̆ êa lehanăn mnuih ƀuôn sang čar Bến Tre lŏ mâo klei gĭr hĭn tui si hdră mtrŭn mơ̆ng klei bi kƀĭn prŏng dŭm gưl kčah čuăn leh, mđing duh kơ dhar kreh, yang ƀuôn, kơ bruă mdrao mgŭn, bruă sang hră mơar, boh nik đru kơ mnuih ƀuôn sang krĭng taih kbưi, krĭng phŭn krŭ kdơ̆ng.

Mơ̆ng anăn čiăng kơ mnuih ƀuôn sang mâo klei hdĭp h’uh mđao. Ƀri wưng anei, k’iăng khua lăn čar Võ Thị Ánh Xuân mđup brei leh klei bi knăl bi ala mđup brei kơ čar Bến Tre pioh rŭ mdơ̆ng 10 boh sang bi đru, hŏng ênoh 500 êklăk prăk, keh đru ba hdeh êlăk Việt Nam mđup brei 200 êklăk prăk kơ phung hđeh mâo klei hdĭp dleh dlan. Lehanăn mđup brei 200 hnư mnơ̆ng kơ dŭm gŏ êsei ƀun, gŏ êsei knŭk kna dlăng ba, hđeh mâo klei hdĭp dleh dlan hlăm čar hŏng ênoh jih jang truh 700 êklăk prăk./.