K’iăng Khua lăn čar Võ Thị Ánh Xuân, K’iăng khua kiă kriê tal 1 Êpul gơ̆ng bi lông pah mni Gưl dlông nao hlăm klei kƀĭn. Lŏ čuê dŭm boh tŭ dưn dưi mâo hlăm dŭm thŭn êgao, thŭn 2024, ƀuôn prŏng Hải Phòng mdưm mta kñăm mđĭ kyar bruă duh mkra ala ƀuôn ktang hŏng dŭm hnơ̆ng čuăn lu hĭn thŭn 2023, hlăm anăn, klei đĭ kyar mnơ̆ng dhơ̆ng hlăm alŭ wăl GRDP mơ̆ng 11,5% - 12%, hnơ̆ng mkra mjing bruă tuh tia IIP đĭ 15%, Hnu knŭk kna hrui wĭt ti alŭ wăl mâo êbeh 106 êklai 761 êklăk prăk, iêo klei klei duh bi liê mơ̆ng tač êngao mơ̆ng 2 – 2,5 êklai dolar Mi.

Čiăng dưi mâo dŭm mta kñăm, ƀuôn prŏng Hải Phòng ba mdah đa đa bruă klam leh anăn hdră êlan phŭn, hlăm anăn mđing kơ bruă pŏk mlar wăl bruă duh mkra, mlih mrâo klei bi hmô đĭ kyar, mkŏ wĭt bruă duh mkra hŏng êlan đĭ kyar 3 kmeh gơ̆ng, bruă tuh tia mrâo mrang, kdrŭn ksĭ, logistics, hiu čhưn ênguê – mnia mblei, mtrŭt mđĭ mlih mrâo hră mơar knŭk kna, hdră bhiăn, dăp anôk bruă knŭk kna gưl kdriêk, gưl să, gang mkhư̆ klei ƀơ̆ng ngăn, ngă klei mkiêt mkriêm, gang mkhư̆ klei luč liê mang.