VOV4.Êđê - Aguah 19/9, K’iăng Khua lăn čar Võ Thị Ánh Xuân nao hlăm knăm bi hdơr 60 thŭn Hruê knhuah gru Êpul kahan 962, Êpul kahan krĭng 9 (19/9/1962-19/9/2022). Hlăm knăm bi hdơr anei, Êpul kahan 962 mâo leh hră hơêč hmưi mơ̆ng Khua phŭn bruă lĭng kahan Phan Văn Giang. 

Bi ala kơ bruă Đảng kahan, Phŭn bruă lĭng kahan, Khua hlăm Phŭn bruă kđi čar, Khua Phŭn bruă lĭng kahan Đại tướng Phan Văn Giang mâo leh asăp hơêč hmưi jăk siam hĭn kơ jih jang lĭng kahan mă leh leh anăn dôk mă bruă hlăm Êpul kahan 962, Êpul khan krĭng 9.  K’iăng Khua lăn čar Võ Thị Ánh Xuân mđup brei rup Khua gĭt gai Hồ Chí Minh kơ phung knuă druh, lĭng kahan tinei. Gưl anei, Phŭn bruă lĭng kahan leh anăn Knơ̆ng bruă sang čư̆ êa čar An Giang ăt mđup brei hră pah mni kơ Êpul kahan 962, Êpul kahan krĭng 9 kơ klei êdah kdlưn hlăm hdră gang mkhư̆ klei ruă Covid-19, krơ̆ng kjăp klei kđi čar, klei êđăp ênang ala ƀuôn ktuê knông lăn hlăm wưng êgao./.

H’ Zawut pô mblang