K’iăng Khua lăn čar Võ Thị Ánh Xuân bi êdah klei hơ̆k mơak êjai ƀuh klei hdĭp mnuih ƀuôn sang ti alŭ đĭ kyar klă nik, hnư hrui wĭt kah knar grăp čô êbeh 60 êklăk prăk hlăm sa thŭn, alŭ knŏng adôk mă 2,49% gŏ sang ƀun ƀin leh anăn 6,53% gŏ sang giăm ƀun, klei êđăp ênang ti alŭ wăl dưi rơ̆ng kjăp. K’iăng Khua lăn čar mtă kơ gưl bruă Đảng nah gŭ, bruă sang čư êa, dŭm êpul bruă kđi čar yang ƀuôn čar Bạc Liêu mđĭ hĭn bruă hâo hưn, mđĭ klei thâo săng kơ kơhưm, bruă klam mơ̆ng mặt trận čar kwar Việt Nam hlăm bruă mkŏ mjing leh anăn răng mgang lăn čar.

Hŏng dŭm mta bruă klă sĭt čiăng mtô mjuăt ai tiê khăp kơ lăn čar, knhuah gru jhŏng ktang, klei mĭn čŏng pô, hdră bhiăn leh anăn knhuah jăk siam djuê ana. Boh nik srăng mâo klei thâo săng klă kơ knhuah gru krĭng lăn leh anăn anak mnuih Bạc Liêu, mdưm klei đăo knang kjăp hlăm klei đĭ kyar lăn čar, mơ̆ng čar hlăm dŭm thŭn kơ anăp.