Sang hră hđeh điêt Pác Bó mâo boh prŏng 1.800m2 truh 6 boh adŭ hriăm, 1 boh sang kơ khua kiă kriê sang hră, lehanăn sang ngă bruă mkăn. Khădah yan adiê amâo mâo jăk, hjan lu, ƀiădah knŏng leh 3 mlan dôk mkra, sang hră mâo bo leh êlâo kơ mŭt hlăm thŭn hriăm mrâo.

Anei jing bruă mđĭ ai prŏng êdi hŏng phung nai mtô lehanăn hđeh hriăm hră lehanăn mnuih ƀuôn sang ti să knông lăn Trường Hà, kdriêk Hà Quảng, čar Cao Bằng lehanăn ăt jing klei găl čiăng kơ sang hră hđeh điêt Pác Bó ktưn bi djăp ênoh čuăn ala čar hlăm wưng tinăp. Ƀri wưng anei, K’iăng khua lăn čar lehanăn êpul ngă bruă nao čuh leh brui mngưi, mđup mnga ti sang yang bi hdơr kơ khua gĭt gai Hồ Chí Minh hlăm alŭ wăl knhuah gru hƀuê ênuk ala čar ti Pác Bó, să Trường Hà, kdriêk Hà Quảng.