VOV4.Êđê- Ti sang bruă Khua lăn čar, k’iăng Khua lăn čar Võ Thị Ánh Xuân tŭ drông leh êpul bi ala phung mniê knuă druh knơ̆ng bruă ngăn prăk ƀri hruê phung mniê tar rŏng lăn 8/3. Hlăm mmông tŭ drông, khua kiă kriê knơ̆ng bruă ngăn prăk Việt Nam Nguyễn Thị Hồng brei thâo, hnơ̆ng phung mniê mâo hlăm brô 60% ênoh mnuih mă bruă hlăm dŭm knơ̆ng bruă ngăn prăk leh anăn mâo 24% hlăm anăn ngă bruă kriê dlăng gưl dlông. Dhar bruă ngăn prăk dôk mkŏ mjing hdră êlan ngăn prăk ala čar kluôm ênŭm truh kơ thŭn 2025, hdră tă truh thŭn 2030, hlăm anăn phung mniê jing êpul mâo lu klei uêñ mĭn. k’iăng Khua lăn čar Võ Thị Ánh Xuân mơĭt klei hơêč hmưi jăk siam hĭn truh kơ phung mniê knuă druh knơ̆ng bruă ngăn prăk leh anăn jih jang phung mniê hlăm kluôm ala. Mñă klă, dhar bruă ngăn prăk, phung knuă druh mniê mâo klei uêñ mĭn, hrăm mbĭt hŏng mặt trận čar kwar Việt Nam, dŭm êpul êya bruă kđi čar yang ƀuôn kñăm mkŏ mjing dŭm bruă bi hơĭt klei hdĭp yang ƀuôn, klei ngă bruă jăk. Khua gĭt gai knơ̆ng bruă ngăn prăk ala čar Việt Nam lŏ uêñ mĭn kluôm ênŭm kơ bruă phung mniê hlăm dhar bruă, mtô mjuăt bi hriăm phung knuă druh gĭr ktưn hŏng hnơ̆ng knuă druh mniê hlăm dhar bruă.

         Pô mblang: Y-Khem Niê