Hlăm mmông tŭ drông, k’iăng Khua lăn čar hơ̆k mơak kyua ƀuh klei bi mguôp plah wah dua ala čar mâo klei đĭ kyar jăk hlăm wưng giăm anei, boh nik hlăm bruă bi trông êpul leh anăn bi tuôm gưl dlông. Bruă bi kjăp klei đăo knang bruă kđi čar, boh nik jing khua gĭt gai gưl dlông dua ala čar jing tur knơ̆ng yuôm bhăn mkŏ mjing boh kdrŭt klei bi mguôp dua tĭng. Biădah dŭm boh tŭ klei bi mguôp dua tĭng ka năng ôh hŏng klei mjĕ giăm bruă kđi čar jăk siam, klei găl plah wah dua ala čar.

Hluê anăn, k’iăng Khua lăn čar mñă kơ dua tĭng lŏ dơ̆ng mđĭ hĭn klei bi trông êpul dŭm dưl, boh nik jing gưl dlông. Mbĭt anăn mđĭ hĭn bruă mkŏ mjing mtrŭt mđĭ klei mnia mblei, duh bi liê. Pô bi ala Qatar mñă klă, Việt Nam jing ƀĭng hgŭm yuôm bhăn mrô 1 ti alŭ wăl Asi – Pacific leh anăn ƀuăn srăng gĭr jih ai, đru bi kjăp leh anăn mđĭ hĭn klei mjĕ giăm bi hgŭm leh anăn bi mguôp plah wah dua ala čar.